Kahan Itni Sazayein Thi Bhala Is Zindgani Mein,
Hazaron Ghar Huwe Roshan Jab Mera Dil Jala Mohsin,
Sakoon_e_ Zindagi Chora Aik Teri Zaat Ki Khatir,
Magar Phir Bhi Meri Chahat Se Tum Ko Hai Gila Mohsin,
Toota Hua Ye Dil Le Kar Main Kis K Pas Jaun Ga,
Hai Kon Wo Jo Kare Ga Mere Dil Ki Dawa Mohsin,
Teri Aankhein Teri Saansein Tera Chehra Teri Dharkan,
Main Kaise Bhool Paun Ga Teri Har Aik Ada Mohsin,
Kisi Ko Kia Khabar Mujh Par Har Pal Kia Guzarti Hai,
Meri Saari Kahani Ka Hai Tu Hi Aashna Mohsin,
Nahi Qaabil Tere Lekin Munasib Jo Agar Samjho,
Rakhna Yaad Duaon Mein Yehi Hai ILtija Mohsin...!
No comments:
Post a Comment