Kuch khud bhi thay afsurda say,

Kuch khud bhi thay afsurda say,
Kuch log bhi hum say rooth gaye..

Kuch khud hi zakham k aadi thay,
Kuch sheeshay hath say toot gaye..

Kuch khud bhi thay hasaas bohot,
Kuch apnay moqadar rooth gaye..

Kuch aap ko sach say nafrat thi,
Kuch hum say na bolay jhoot gaye..

Kuch khud bhi itnay mohtaat na thay,
Kuch log bhi hum ko loot gaye..

Kuch talakh hakeekatain theen itni,
K khawab hi saray toot gaye...